Рэгламент ЕС у сферы лесаматэрыялаў (EUTR) і План дзеянняў праграмы ЕС FLEGT

Рэгламент ЕС у сферы лесаматэрыялаў (EUTR) уступіў у сілу ў сакавіку 2013 года з мэтай прадухілення продажу незаконна нарыхтаванай драўніны і лесапрадукцыі на рынку ЕС. Цяпер любы ўдзельнік, які ўпершыню выпускае на рынак лесаматэрыялы або вырабы з дрэва, мусіць пераканацца, што выкарыстаная драўніна была законна нарыхтаваная і, дзе стасуецца, законна вывезеная з краіны нарыхтоўкі.
 

EUTR прымяняецца да тысячаў кампаній усіх памераў, якія вырабляюць лесаматэрыялы
ўнутры краіны ці імпартуюць драўніну ў ЕС. Ён ахоплівае шырокі асартымент прадукцыі з дрэва, уключаючы фанеру, шпон, мэблю і паперу (за выключэннем перапрацаваных
кампанентаў і друкаваных носьбітаў) і ўключае тры асноўныя абавязкі:

  1. Лесаматэрыялы, якія суправаджаюцца ліцэнзыяй праграмы Правапрымяненне, кіраванне і гандаль у лясным сектары (FLEGT) ці Канвенцыі аб міжнародным гандлі відамі, якіязнаходзяцца пад пагрозай знікнення (CITES), будуць прынятыя ў якасці легальных. Ва ўсіхіншых выпадках аператары мусяць праяўляць належную абачлівасць пры ўвозе на рынак ЕС імпартных і айчынных лесаматэрыялаў ці вырабаў з дрэва;

  2. Ён забараняе размяшчэнне незаконна нарыхтаваных лесаматэрыялаў і прадукцыі з незаконнанарыхтаванай драўніны на рынку ЕС, незалежна ад таго, айчыннага ці імпартнага паходжання гэтыя лесаматэрыялы; і

  3. Трэйдэры (тыя, хто ідзе пасля аператараў у ланцугу паставак) мусяць весці ўлік сваіх
пастаўшчыкоў і кліентаў (акрамя канчатковых спажыўцоў). Такім чынам, аператараў заўсёды можна адсачыць.
 

FSC працавала над тым, каб усе кампаненты сертыфікацыі FSC - і нашы стандарты -
адпавядалі EUTR. Такім чынам, суб'екты, якія карыстаюцца прынцыпам належнай
абачлівасці, могуць выкарыстоўваць сертыфікацыю FSC у якасці ключавога элемента ацэнкі і змякчэння рызыкаў. У падтрымку гэтага мы падрыхтавалі метадычныя матэрыялы па EUTR (даступныя ніжэй), а нацыянальныя офісы FSC дапамаглі суб'ектам і ўладам зразумець, якім чынам сертыфікацыя FSC можа быць выкарыстаная ў якасці інструмента для выканання патрабаванняў.
 

FSC таксама адыграла актыўную ролю ў першым працэсе разгляду EUTR і знаходзіцца ў цесным кантакце з Еўрапейскай камісіяй і камітэтам EUTR / FLEGT дзяржаў-членаў ЕС.

ЗВЯРНІЦЕ ЎВАГУ: гандаль сертыфікаванымі FSC матэрыяламі не адмяняе выкарыстанне прынцыпа належнай абачлівасці, што патрабуецца у адпаведнасці з Рэгламентам ЕС у сферылесаматэрыялаў. Каб атрымаць больш падрабязную інфармацыю, калі ласка, прачытайце Рэгламент ЕС у сферы лесаматэрыялаў: Дамапожнік па ўкараненні ў раздзеле файлаўніжэй, і наш артыкул FSC заклікае кампаніі забяспечыць належную абачлівасць EUTR пры імпарце драўніны.